Вообичаено, обуката трае од 3 до максимално 10 дена, а тоа зависи од брзината на совладување на работните задачи на кандидатот. Целта на обуката е и менаџментот, но и самиот кандидат да увидат дали навистина кандидатот за работа се вклопува во динамиката на работата. Затоа најдобро би било секој кој е на обука би требало да го увиди текот на работењето и на прва втора и трета смена. Договорот за времето и местото на обука е флексибилно и по договор.

Согласно законските прописи, помеѓу секоја работна смена на секој му следува одмор од минумум 24 часа, месечно секој вработен има до 10 слободни денови а за тоа има утврден распоред пред почеток на секој месец, со можност за промени во зависност од потребите на вработените.

На самото интервју се договара местото на извршување на работните обврски, во зависност од местото на живеење на кандидатот и местото каде што има потреба од нов вработен. Нудиме можност и за промена на местото на работа по потреба или по барање, нудиме и услови за промена на местото на работа од еден во друг град.

За секој вработен следува соодветна работна униформа, обувки, следува и бесплатно конзумирање на кафе и пијалоци во текот на работната смена. Се организираат прослави и забави за нови подружници, родендени на клубови, новогодишни прослави, можност за учество на тим билдинг настани. Секоја година се исплаќа новогодишен бонус за секој вработен, како и бонус за работник на годината во клубот, бонус за работа на Нова Година, следува подарок за склучување на брак и други поволности.